yuri_loskutov: (Default)

Спаси Господи люди Своя, и благослови достояние Свое, победы благоверному царю нашему державе Российстей на сопротивныя даруй, и Своя сохраняя Крестом люди.
yuri_loskutov: (Default)

Рожество твое Богородице Дево, радость возвести всей вселенней. Из тебе бо восия Солнце правде Христос Бог наш, разрушив клятву, даст благословение. И упразднив смерть, дарова нам живот вечныи.
yuri_loskutov: (Default)

Память праведнику с похвалами, тебе же довлеет свидетельство Господне Предотече. Явил бо ся еси воистину пророк честнейши, яко и в быстринах крестити сподобился еси проповеданнаго. Тем же за истину пострадав, радуяся благовестил еси во аде сущым, Бога явльшагося плотию, вземлющаго грехи мира, и подающаго нам велию милость.
yuri_loskutov: (Default)

В рожестве девство сохранила еси, и во успении мира не остави Богородице. Престави бо ся к животу, мати сущи живота. И молитвами твоими, избавляеши от смерти душя нашя.
yuri_loskutov: (Default)





Преобразися на горе Христе Боже, показав учеником Своим славу Свою, якоже можаху. Да восияет и нам грешным свет Твой присносущныи, молитвами Богородицы, Светодавче слава Тебе.
yuri_loskutov: (Default)

Благословен еси Христе Боже наш, иже премудрыя ловцы явлеи, послав им Дух Святыи, и теми уловлеи вселенную, Человеколюбче слава Тебе.

P.S. Вовремя разместить не смог, поскольку был лишен Интернета вместе со значительной частью нашего города, после грозы, да и сейчас пишу через флеш-модем.
yuri_loskutov: (Default)


Вознесеся во славе Христе Боже наш, радость сотворив учеником своим обетованием Святаго Духа, извещение приемше яве благословения ради, яко Ты еси Сын Божии Избавитель миру.
yuri_loskutov: (Default)

Общее воскресение прежде своея страсти уверяя, из мертвых воздвигл еси Лазаря Христе Боже. Тем же и мы яко отроцы, победныя образы носяще, Тебе Победителю смерти вопием, осанна в вышних благословен грядыи во имя Господне.
yuri_loskutov: (Default)


Днесь спасению нашему начаток, и вечней тайне явление. Сын Божии, Сын Давыдовыя бывает, и Гавриил радость благовествует. Тем и мы с ним Богородице возопием, радуися обрадованная Господь с тобою.
yuri_loskutov: (Default)


Радуися обрадованная Богородице Дево, из Тебе бо восия Солнце праведное Христос Бог наш, просвещая темныя. Веселися и ты, старче праведныи, приемыи на руку Свободителя душам нашым, дарующаго нам воскресение.
yuri_loskutov: (Default)


Во Иордане крещающутися Господи, троическое явися поклоняние, родителев бо глас свидетельствоваше Ти, возлюбленного Тя Сына именуя, и Дух в видении голубине, извествоваше словеси утвержение. Явлеися Христе Боже, и мир просвещеи, слава Тебе.
yuri_loskutov: (Default)


Рожество Твое Христе Боже наш, возсия мирови свет разумныи, в нем бо иже звездам служащии, звездою поучахуся, тебе кланятися Солнцу Праведному, и Тебе ведети свыше Восток, Господи слава Тебе.
yuri_loskutov: (Default)


Днесь благоволения Божия преображение, и человеча спасения проповедание, в церкви Божии ясно Девая является, и Христа всем благовествует. Той и мы велегласно возопием, радуися смотрения Зиждителева исполнение.

Для нашей семьи праздник Введения - особый. Пять лет назад именно на Введение (еще в старом пермском храме) была крещена наша новорожденная дочка - весьма символичное обстоятельство!
yuri_loskutov: (Default)
Днесь благовернии людие светло празднуем, осеняеми Богомати твоим пришествием. И к твоему взирающе пречистому образу, умилно глаголем: покрый нас честным си покровом. И избави нас от всякаго зла, молящи Сына своего Христа Бога нашего, спастися душам нашым.

Profile

yuri_loskutov: (Default)
Юрий Лоскутов

July 2017

S M T W T F S
       1
2 3 45 678
9 10 111213 1415
1617 18 1920 2122
23242526272829
3031     

Syndicate

RSS Atom

Style Credit

Expand Cut Tags

No cut tags
Page generated Jul. 23rd, 2017 10:41 pm
Powered by Dreamwidth Studios